[台灣生日の旅] Fu Mask慘被打格仔???－Celine Diane の美麗生活小分享

話說11月頭, 小妹去左台灣生日旅行, 有晚興起冇啦啦想fu mask, 所以就同肥仔落左樓下屈仁寺走一趟, 最後出黎買左3-4盒先出返黎~
而今日小妹要介紹既係Beauty Buffet天天美麗 - 竹炭絲柏淨化面膜 (收斂、淨化肌膚)~ 因為去台灣幾日, 日日都食熱氣野, 小妹同肥仔都擔心會長痘痘, 見佢個盒幾得意咁, 又平, 就決定試下佢啦~ 一盒2片試用裝 = 台幣$30 = 約HKD$8.15 ( 平均HKD$4.1/片), 都話台灣買mask真係好平架啦~

不過話雖如此, 平都冇用既, 要好用先得架嘛~ 所以小妹最後決定當晚同肥仔一人一片ko左佢~

講真, 竹炭係日本真係好流行, 不過對小妹黎講, 平時都只係會買黎衣櫃/鞋櫃吸濕除嗅用, 唔知Fu上面又會點架呢~

產品功效：

竹炭可減少油脂分泌，賦予皮膚淨化感

絲柏精油-具有收斂特性，減少油脂分泌

複合胺基酸、小黃瓜、蘆薈、尿囊素、甘草酸鉀

用途：收斂、淨化肌膚

適用膚質：一般肌膚, 尤其痘痘肌膚者

一盒2片, 一人一片唔洗煩, hohoho~

點知一打開, 片mask黑蚊蚊既? 再打開黎睇, 原來塊mask唔似平時fu開既mask咁白si si 一片, 而係有黑白格仔花紋架~!!!
講真有花紋既mask小妹都係第一次見 (見識少, haha), 真心覺得個mask好靚low, hahaha~

用後感: 個mask有好多精華, fu完保濕度好高, 我fu完就咁訓著左冇搽野, 開大冷氣, 第2朝起身塊面都仲係滑滑的, 一d都冇乾憎憎既情況出現, 痘痘都冇咁紅, so far用左一次覺得唔錯~ 值得回購~! (不過我最後都係唔記得左買.... 老人家冇記性嘛, hahaha ), 如果大家去台灣, 呢款mask係唔錯的選擇~!