close
First of all, 小妹好多謝BL呢大半年黎比左好多試用機會比小妹, 但係由於小妹係港島區人, 加上係嚴重大路痴, 而BL既office對小妹黎講真係太遠啦, 所以每次小妹都只好用速遞公司幫手, 好彩地, 小妹家有親戚係速遞公司工作, 速遞費可以慳返唔少, 不過眼見好多sis都要返工冇時間過去拎試用, 所以今次小妹係到出個小教學, 希望可以幫到大家~ 一般黎講, 小妹見大家都好鍾意用順豐速遞, 順豐的確係好好用, 又安全又可靠, 不過可惜對小妹黎講, 佢都算係貴~ 小妹為左大家銀包著數, 今次提供幾個方案比大家, 等大家可以參考~
係介紹之前, 等小妹講少少野比大家知先, 坊間有好多大速遞公司都係由收購D細速遞公司返黎做的, 所以有D公司會有好多唔同速遞公司名, 但係上到黎都係同一個人收件既情況出現, 唔同公司名亦都會有唔同收費, 所以大家要小心選擇~!
方案1: 買package
而家有好多本地速遞服務公司, 一般都會提供月費及package服務, 當然如果唔係成日都有試用既話, 小妹就更係sug用package啦, 而package一般都可以用上一年, 有D公司什至有2年限期, 以一次買10個order為例, 每次都只係around $18左右, 比順豐的平約一半, 當然, 買得多平得多啦~ 而小妹自己及公司都係用UC Asia的, 因為佢都幾安全, 冇試過唔見件, d姐姐都幾nice幾好人, 所以都用得過, 而UC都係一間大公司, 成日都見佢上新聞被訪問等等, 員工有成幾百人, 仲可以網上CHECK ORDER, 當然我呢個只供參考, 可能有d公司會更平啦~
方案2: 散件
固名詩意, 就係一次次咁做, 你有件就CALL佢上黎收, 就好似順豐咁, 咁當然一般黎講就更係會貴D啦, 不過咁岩前幾日比小妹發現到有間叫黃金速遞做更特價, 工商業區的都只係收$15/per order, 小妹今個星期因為親戚去左旅行, 所以都用呢間出左個ORDER上BL拎試用, 希望平安冇事啦, 哈哈~ 其實應該都係ok冇問題的啦~ 係因為今次的試用係香水, 所以小妹先有少少擔心者~ 不過個姐姐都幾NICE的~ 大家可以試下, 因為每區既姐姐都係唔同既~ http://www.goldendelivery.com.hk/spread_service.php
不過就以上黎講, 小妹都係用公司對公司, 即工商業區去工商業區黎講, 如果各位sis係要送到家中的話, 咁就用返順豐啦~ 另最好每次落order之前都先打去查詢價$, 睇下係咪工商業區, 咁就唔怕做完返黎先知要加收附加費啦~ 同埋可以對比下邊間平d啦~!!!!! 希望呢篇文可以幫到要返工上唔到BL或其他地方拎試用既SIS啦~! ^^
全站熱搜
留言列表
