(內附送禮) ~Majolica Majorca の Psychedelicious 魔幻糖果工具~－Celine Diane の美麗生活小分享

小妹作為Majolica Majorca既魔法傳道大使, 早前已經為大家一一報導過魔法學院開放日暨畢業禮等等既盛況, 今次就等小妹用呢SET新出既Psychedelicious魔幻糖果工具黎化返個夏日糖果LOOK先~

全新推出既Psychedelicious魔幻糖果工具

(通常小妹化妝, 都會由上至下, 所以今次都一樣, 由眉開始先啦~)

STEP1: 柔啡睫毛眉彩 Brow & Lash Colorist (全新2色) HKD98

小妹一直都係用眉GEL既, 因為貪佢方法快捷, 唔洗左晝又晝~
呢支眉GEL可作眉睫兩用, 輕輕搽上去, 就好似魔法般淡化黑眉黑睫，等眼眉/睫毛一嚐染色既樂趣, 而且佢有2隻色選擇 (蜜糖啡及栗子啡), 大家可以根據自己既髮色去選擇一支合適既顏色, 令眼眉更柔和自然~ 呢支更採用左特製既刷頭，刷頭尖端適合用作睫毛刷，, 方便塗上睫毛液, 而刷頭中段既長刷毛則可以梳開眉睫，營造根根分明效果~ 加上揉合防水配方, 無懼汗水、皮脂、淚水, 更有效持久維持鬈翹度~ 但係小妹都係覺得佢適合做眉gel多d~

由眉頭開始順住眉毛掃上, 輕輕一掃, 已經好上色, 糖果妝當然要比較SOFT, 而小妹頭髮又偏啡, 所以啡色眉就最適合不過啦~

STEP2: 柔滑霜狀眼線筆 Cream Pencil Liner (新色1色) HKD88

要化一個靚妝, 眼線又點少得呢~!

平時小妹都會用上黑色既液體EYELINER, 因為一直都覺得液體EYELINER 可以比Pencil畫得更仔細, 但係呢支眼線筆內含順貼蠟質既球狀粉末粒子, 令到筆芯十分順滑, 輕輕晝一筆, 顏色已經好出~ 而且防水配方徹底防汗、防油及防淚水，效果更加持久~
啡色眼線並帶有少少既閃粉, 效果當然比黑色黎得更SOFT, 更SWEET, 冇黑色咁兇啦~

STEP3: 持久豐盈睫毛霜 Lash Bone Black Fiber in HKD$115

天生冇濃密又纖長既睫毛? no worry, 只要係上睫毛膏之前, 睫毛打個底就ok啦~
呢支睫毛BASE內含漆黑纖維, 只需掃幾下, 睫毛立即變得更長更濃密, 而且含有防水防油脂聚合物, 令到睫毛乖乖企定唔會恰眼訓~
當然小妹睫毛又粗又重, 就更係要夾夾佢先啦~

STEP4: Lash King 睫毛液 (全新柔啡色調) HKD158

當然只係打個底就更係唔夠啦, 貴為冠軍級睫毛液品牌, 當然就要加埋件皇牌睫毛液就一定冇得輸啦~ 小妹第一樣買既MJ 產品, 正正係佢地既睫毛液~ MJ既睫毛液出名防水防油, 而呢支Lash King更係佢地王中之王, 佢地採用左史上最長5mm羽絨纖維，配合柔滑睫毛液配方，令激長羽絨纖維加倍緊貼睫毛，其蘊含豐盈纖維及增量粉末，配合Volume Impact Wax與特濃油份，營造盈盈欲滴的亮澤柔啡魅睫, 輕輕一塗，睫毛瞬間全方位大變身，即使塗抹多層仍能締造無重的濃密粧效！持久防水配方，專門對抗汗水、油脂及淚水，令睫毛整日持久完美鬈翹。

STEP5: 甜蜜胭脂Puff de Cheek (新色2色/共4色)

Macaron應該好多sis都有食過, mj既胭脂用Macaron既外型, 使甜美可愛既胭脂藏身係嬌嫩既粉色金屬盒設計入面，而全新研製既胭脂餅更加柔滑而細膩, 能夠完美緊貼肌膚，不容易脫粧而導致暗啞，亦都具有透明感~ 而每盒胭脂餅都會附上特製、觸感柔軟既粉撲，粉撲能取適當份量，唔需要任何技巧，都可以輕易為雙頰塑造均勻而亮麗明澄既效果。而胭脂內含夏威夷果油，有極佳既滋養效果，為雙頰帶黎好氣色既同時，亦都能夠持續肌膚既保濕滋潤度，讓雙頰表面光滑粉嫩，內部透出光澤~

今次小妹選用左新出既color - PK415 紅桑梅小杏餅~
只需用附送既粉撲, 輕輕係面上印大約三下, 可愛感立即出現

STEP6: 超甜心唇蜜 Honey Pump Gloss NEO (限量新1色/共9色)

全新既超甜心唇蜜蘊含蜂皇漿EX，滋潤而亮澤，最適合用作塑造純真而性感的櫻唇~ 而全新既Cowberry Jam色，搽左上去, 透亮深紅色彩若隱若現, 能幻化出豐盈迷人既櫻唇~

STEP7: 甜蜜瑩亮閃粉Popping shower Powder (全新限量)

而夏天少不免一定會著背心架啦~ 如果係既, 呢件工具就岩晒啦~ 全新產品「甜蜜瑩亮閃粉」，佢含有極緻柔滑既透亮粉末，揉合皮脂吸收粉末同埋亮白粉末，輕輕搽係肌膚上面，瞬即倍感清爽，若隱綻放既動人閃爍，同仲夏陽光映耀下, 倍增自然亮澤感~ 而同時更混和Majoromantica愛情之藥既甜蜜浪漫香味，等肌膚散發糖果般既迷人芳香。

Last Step: 速乾亮澤甲油Nails (Speedy & Glossy) (限量新2色/共9色)

最後就更係點少得手/腳甲呢~ 全新兩款限量色調，包括鮮豔奪目既透亮粉紅色&夏日夢幻既湖水藍綠色, 甲油非常上色, 輕輕搽2層已經好足夠, 再配上晶塋啫喱亮甲油 Glass Drop Gel Coat, 立即好似做左Gel甲咁~ 而且佢仲要超快速就乾, 岩晒甩唔停既小妹~ (不過小妹手上仲有gel甲, 只係試左上gel甲上, 所以冇影到相, 有機會再用佢出甲文)

好啦, 最後就黎幾張自戀照~